مراحل شراء السيارة المستعملة :
1- كتقلب اوراق السيارة مزيان خصوصا البطاقة الرمادية و لافيزيت و الضريبة و كتشوف واش الاسم ديال البائع هو لي كاين في اوراق السيارة كلهم و واش المعلومات ديال السيارة صحاح، خود وقتك و البائع لي غادي يبغي يزربك عرفو مخلوض،. كاع داكشي ديال الوكالة و التكليف و مول السيارة مسافر...الخ من الأحسن غير بعد منو.
2- كدخل لهاد الموقع لي دايراه الدولة، و كدخل المعلومات ديال السيارة و كاتشوف واش مافيهاش حجز، او مشكل، او سرقة.... الخ
http://www.assiaqacard.ma/opppub/
3 - كتدي السيارة عند ميكانيك و طولوري و دور معاه مزيان باش يقلب ليك السيارة واش مافيهاش مشكل او فايت دارت حادث.
4- كتمشي عند دار الضريبة او وافاكاش و تسول علي السيارة واش مخلصة كلشي السنوات.
5- كدير لافيزيت عند البلاصة لي بغيتي انتا و انتا لي كتخلص.
6- كتكاتب مع البائع و كتاخد من عندو السويرتات و البطاقة الرمادية و كتعطيه فلوسو، و تيوصليك السيارة ديالك فين بغيتي خيت هو لي عندو التأمين.
7- كتمشي عند سيرفيس ديمين دفع الملف في أقرب وقت، حاول ماتفوتش شهر.
8- كتصاوب التأمين ديالك و كتحرك مع راسك بالسيارة.
9- ممكن كذلك تخسر واحد 1000 درهم وتبدل لبلوك وتلكموند ولقفل ديال باب تحسبا لا اكونوا مصيبين عليهم...
- الى تبعتي هاد المراحل، غادي تفادا واحد العدد كبير ديال النصابة و المشاكل.
اللهم يسر للجميع 🤍🤍
